व्हॉटस अप

मुलगा - ( पोलिस इन्स्पेक्टरना) साहेब , माझ्या मित्राला शोधा हो. गेल्या तीन-चार दिवसांपासून तो हरवलाय. इन्स्पेक्टर - तू शेवटचं कधी पाहिलं होतंस त्याला ? मुलगा - व्हॉटस अपवर...३ दिवसांपूर्वी लास्ट सीन दिसलं होतं. त्यानंतर पत्ताच नाही त्याचा.

मागण्या

एकदा एक ‌पुढारी विन्याच्या गावात आले होते गावात त्यांची जंगी सभा झाली , गावकऱ्यांनी त्यांच्यापुढे आपल्या मागण्या ठेवल्या. विन्या : (पुढाऱ्याला) साहेब , आम्हाला आमच्या गावात एक पूल पाहिजे. मुख्यमंत्री : (हैराण होऊन) पण तुमच्या गावात नदी कुठे आहे ? विन्या : ठीक आहे. मग एक नदी पण द्या!

एक रुपया व्हिडिओ

दुकानदार - एक रुपया सुट्टा नाही.. हा घे व्हिडिओ बघ. गंपू - हे घे ४ जीबीचं मेमरी कार्ड. एक हजार व्हिडिओ आहेत यात. चल काढ हजार रुपये!

रिस्क नको

एका कोंबडीचं लग्न गरुडाबरोबर ठरलं . कोंबडा - ( चिडून ) काय ग ए ? मी काय मेलो होतो का ? कोंबडी - आई म्हणाली , गटारी येतेय ... उगाच रिस्क घेऊ नकोस .

संता बंताची कमाल

एकदा संता बंताला स्वत:च्या घरी बोलावतो.... जेव्हा संता बंताच्या घरी जातो तेव्हा , बंताच्या घराला कुलूप लावलेलं असतं आणि तिथे लिहून ठेवलेलं असतं ' तुझा पोपट झालाय , चल फूट इथून ' संता खाली पडलेला खडू उचलतो आणि लिहितो ' चल हट , मी इकडे आलोच नव्हतो '

ट्रॅफिक पोलीस : ट्रिपल राइड वर बंदी आहे ... अन् तुम्ही तर चौघे एका बाइकवर ?
बाइकस्वार : ... अरे ! पाचवा कुठे पडला ?

गंदे

गब्बर - गंदे
सांभा - चल , तू गंदा
गब्बर - अबे गंदे
सांभा - मैं नही , तू गंदा
गब्बर - अबे , वो गन उठा और मुझे दे.

उपाय

गंपू - डॉक्टरांनी सांगितलं होतं की रोज पाच किमी चाललात तर वर्षभरात वजन १० किलोने कमी होईल ...
झंपू - मग ?
गंपू - काही नाही.. आता घरापासून १८६५ किमी लांब आलोय ...

फेसबुक फ्रेंड

एका सिग्नलवर भिका-याला पाहून गंप्या म्हणाला , " तुला कुठे तरी पाहिलंय..." भिकारी हसला आणि म्हणाला , " साहेब... आपण फेसबुकवर फ्रेंड आहोत."

हेडफोन

संता पहिल्यांदाच विमानाने प्रवास करत होता. ... थोड्या वेळाने तो पायलट बसलेल्या केबिनमध्ये घुसला आणि त्याचे हेडफोन हिसकावून घेऊ लागला. पायलट - अरेरे , हे काय करतोयस ? संता - मग काय , तिकीट आम्ही घ्यायचं आणि मस्त गाणी ऐकत तू प्रवास करणार.

कुठे आहे रे ती

तरुणांचा एक गट तीर्थयात्रेला जातो. गुरुजीः देवाच्या भक्तीत मन एकाग्र करा.. चित्त विचलित होऊ देऊ नका ... एखादी सुंदर मुलगी दिसली , तर तीन वेळा ' हरी ओम ' म्हणा.. एक यात्रेकरू (वाटेत): हरी ओम ... हरी ओम ... हरी ओम ... बाकीचे यात्रेकरूः कुठे आहे ? कुठे आहे ? कुठे आहे ?

कॉलेज कसे आहे ?

एक मुलगा इंजिनीअरिंग कॉलेजसमोरच्या पाणीपुरीवाल्याकडे जातो आणि विचारतो , ' मित्रा , समोरचे हे कॉलेज कसे आहे ?' पाणीपुरीवाला : एकदम मस्त आहे मुलगा : तुला कसे काय रे माहीत ? पाणीपुरीवाला : अरे , मी पण याच कॉलेजमधून इंजिनीअरिंग पूर्ण केलंय!

मी कोण ?

बाळू जोशी काकूंच्या दारावर टकटक करतो. जोशी काकू : कोण आहे ? बाळू : मी आहे ? जोशी काकू : मी कोण ? बाळू : तुम्ही जोशी काकू!

छळ

घटस्फोटाचा खटला चालू होता. न्यायाधीशांनी पत्नीला विचारलं , ' तुम्हाला घटस्फोट कशासाठी हवा आहे ?' पत्नी : ते , माझा मानसिक छळ करतात. न्यायाधीश : कसा काय ? पत्नी : आधी ते मला वाटेल तसं टाकून बोलतात आणि मी उत्तर देऊ लागले , की श्रवणयंत्र बंद करून ठेवतात!

घाबरट नवरा

झंप्याचा मित्र - काय रे , बायकोशी झालेलं भांडण मिटलं का ? झंप्या - अरे मिटलं म्हणजे काय ? बायको गुडघ्यावर पाय टेकत आली माझ्याकडे झंप्याचा मित्र - काय सांगतोस काय ? मग काय म्हणाली ती ? झंप्या - ती म्हणाली , चला पलंगाखालून बाहेर या आता नाही तर भांडी घासायला लावेन