गंगूबाई

एका गावावर दरोडा पडतो. डाकू : तुझं नाव काय? गावातील महिला : बाबा रे, माझं नाव गंगूबाई. डाकू : मी तुला सोडून देतो. कारण माझ्या आईचं नाव गंगूबाई होतं. डाकू : (पुरुषाकडे वळून) म्हाताऱ्या, तुझं नाव काय ? पुरुष : (अत्यंत घाबरलेल्या अवस्थेत) माझं नाव ज्ञानबा. पण.. पण.. सगळे मला लाडाने गंगूबाईच म्हणतात हो.

गोल

एका फुटबॉल लढतीत.. संता : हे लोक चेंडूला लाथ का मारत आहेत ? मुलगा : गोल करण्यासाठी संता : पण चेंडू तर आधीच गोल आहे

मेंदूची किंमत

एक शास्त्रज्ञ आणि त्याचा एक सामान्य बुद्धीचा मित्र गप्पा मारत असतात. बोलता-बोलता ते भांडू लागतात. शास्त्रज्ञ : माझी तुला किंमत नाही ; पण माझा मेंदू विकायचा ठरविला तर काही कोटी रुपये मिळतील. मित्र : माझ्या मेंदूची किंमत तुझ्या दुप्पट-तिप्पट आहे. शास्त्रज्ञ : कशावरून ? मित्र : कारण , त्याचा वापरच झालेला नाही ना!