फक्त हो किंवा नाही

दोन मित्र बोलत असतात.

अमित : विलास, माझ्या प्रश्नाचं तू फक्त हो किंवा नाही असंच उत्तर द्यायचं बरं का.

विलास : हो. ठीक आहे विचार.

अमित : तुझ्या बायकोने तुला मारणं बंद केलंय का?

बाळ जन्माला आलं

नर्स : अभिनंदन.. तुमच्या घरी नवं बाळ जन्माला आलं आहे.

गंपू : मस्करी करताय? माझी बायको हॉस्पिटलात अॅडमिट आहे आणि बाळ घरी जन्माला आलंय होय!

'प्यारी माँ' अन 'जालिम बाप'

मध्यरात्री उशिराने आलेल्या मुलास आई विचारते

आई : काय रे, कुठं गेला होतास ?

मुलगा : आई, असं का म्हणतेस, मी इमोशनल चित्रपट पाहिला 'प्यारी माँ'

आई : अस्सं? ठीक आहे. आत ये, तुझे पप्पा वाट पाहत आहेत. ते तुला 'जालिम बाप' चित्रपट दाखवतील.

बढाया

गंपूः माझे बाबा इतके जोरात धावतात , इतके जोरात धावतात की , त्यांनी बाण मारला तर ते आधी पोहोचतात आणि बाण नंतर पोहोचतो..

झंपूः हे तर काहीच नाही... माझे बाबा इतके जोरात धावतात , इतके जोरात धावतात की , त्यांनी बंदुकीतून गोळी मारली तर ते आधी पोहोचतात आणि गोळी नंतर पोहोचते...

पंपूः हे तर काहीच नाही... माझे बाबा इतके जोरात धावतात , इतके जोरात धावतात की , त्यांचं ऑफिस पाच वाजता सुटतं आणि ते चार वाजताच घरी पोहोचतात!

तुझ्यासाठी काही पण

(इंजिनिअरिंगचा मुलगा एका मुलीला प्रपोज करायला जातो.)

मुलगा: आय लव्ह यु.. मी तुझ्यासाठी काहीही करू शकतो. तू फक्त बोल.. तुझ्यासाठी काही पण...

मुलगी: बरं मग तू मला सगळे विषय केटीशिवाय सोडवून दाखव.

मुलगा: येतो ताई... काळजी घे!

खरं की नाही ते सांगा...

बायको: काय हो, आज तुम्ही दुसऱ्या कोणत्यातरी मुलीसोबत सिनेमाला गेला होता. खरं की नाही ते सांगा...

चतुर नवरा: काय करणार मी तरी... अगं आजकाल कुटुंबासोबत पाहावा, असा सिनेमा निघतो का तरी?

'माझा कुत्रा'

सर - झंप्या, 'माझा कुत्रा' या विषयावर तू लिहिलेला निबंध आणि तुझ्या भावाने गेल्या वर्षी लिहिलेला निबंध जसाच्या तसा आहे. तू कॉपी केलीस का?

झंप्या - नाही सर, कुत्रा तोच होता ना म्हणून.

सायक्लोन म्हणजे काय?

मुलाखतकार : ' सांगा बरं सायक्लोन म्हणजे काय? '

गणू : सायकल विकत घेण्यासाठी बँक जे लोन देते, त्याला सायक्लोन म्हणतात!

सुंदर मुलगी शोधतोय

मुलगा : मी स्वतःसाठी जगातली सर्वांत सुंदर मुलगी शोधतोय.

मुलगी : हे घे...मी आलेच.

मुलगा : व्हेरी गुड. आता तिला शोधायला तू मला मदत कर.

इंग्लिश हवं की गावठी?

गंपू - वेटर...एक प्लेट चिकन आण.

वेटर - सर, इंग्लिश हवं की गावठी?

गंपू - अरे...आण ना कुठलंही, मला कुठे त्याच्याशी गप्पा मारायच्यात?