अमेरिकेत एका बीचवर गोपालसिंग पहुडलेला असतो.
तिथे एक अमेरिकन येऊन त्याल विचारतो , ' आर यु रिलॅक्सिंग ?'
गोपालः नाही ... आय अॅम गोपाल सिंग ...
थोड्या वेळाने दुसरा अमेरिकन येऊन तेच विचारतो , ' आर यु रिलॅक्सिंग ?'
शेवटी गोपाल वैतागतो आणि उठून निघून जातो. तेवढ्यात त्याला एक अमेरिकन जवळच पहुडलेला दिसतो.
गोपालः आर यु रिलॅक्सिंग ?
अमेरिकनः येस ...
गोपालः मग जा , सगळे तुलाच शोधताहेत!
सध्या लोकप्रिय असलेल्या व्हॉट्सअॅप या कम्युनिकेशन अॅपवरील काही मजेशीर स्टेटस मेसेज..
ड्रायव्हिंग - हा गेल्या आठवड्यापासून ड्रायव्हिंग करतोय.. बहुतेक दुबईला पोहोचला असेल ...
स्लीपिंग - हा गेल्या तीन दिवसांपासून झोपलाय ... जिवंत आहे ना ?
हॅपी न्यू इयर - ऑक्टोबर उजाडला , तरी त्याचे स्टेटस हे आहे ... बहुतेक न्यू इयर पार्टीच्या मूडमधून बाहेर आलेला नाही ...
हॅपी - गेल्या महिन्याभरापासून हा मेसेज आहे.. हा भाई बहुतेक स्वर्गातच राहत असावा..
कांट टॉक , व्हॉट्स अॅप ओन्ली - अरे फोन आणि एसएमएससारख्या बेसिक गोष्टींसाठी मोबाइल वापरत नाहीस , तर फेकून दे ना!
झोंबाडे मास्तरांना एकदा झंप्याचे इंग्लिश तपासायची लहर आली.
झोंबाडे मास्तर : झंप्या , ' अंथरुण पाहून हातपाय पसरावे ' याचे इंग्रजीत भाषांतर कर पाहू.
झंप्याने काहीवेळ डोके खाजवले अन् तडक उत्तर दिले , ' स्प्रेड युवर ' तंगडी ' इन अव्हेलेबल ' घोंगडी '.
एका गावावर दरोडा पडतो.
डाकू : तुझं नाव काय?
गावातील महिला : बाबा रे, माझं नाव गंगूबाई.
डाकू : मी तुला सोडून देतो. कारण माझ्या आईचं नाव गंगूबाई होतं.
डाकू : (पुरुषाकडे वळून) म्हाताऱ्या, तुझं नाव काय ?
पुरुष : (अत्यंत घाबरलेल्या अवस्थेत) माझं नाव ज्ञानबा. पण.. पण.. सगळे मला लाडाने गंगूबाईच म्हणतात हो.
एक शास्त्रज्ञ आणि त्याचा एक सामान्य बुद्धीचा मित्र गप्पा मारत असतात. बोलता-बोलता ते भांडू लागतात.
शास्त्रज्ञ : माझी तुला किंमत नाही ; पण माझा मेंदू विकायचा ठरविला तर काही कोटी रुपये मिळतील.
मित्र : माझ्या मेंदूची किंमत तुझ्या दुप्पट-तिप्पट आहे.
शास्त्रज्ञ : कशावरून ?
मित्र : कारण , त्याचा वापरच झालेला नाही ना!
